+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Ақтөбеде мемлекеттік қызметшілердің жұмыстан шығу себептері талданады

2019 жылғы 8 қараша 04:10
Бөлісіңіз:
Ақтөбеде мемлекеттік қызметшілердің жұмыстан шығу себептері талданады

АҚТӨБЕ. ҚазАқпарат – Енді мемлекеттік қызметшілердің жұмыстан кету себептері анықталатын болады. Бұл туралы облыс әкімінің баспасөз қызметіне сілтеме жасап ҚазАқпарат тілшісі хабарлайды.

Ұқсас жаңалықтар
Дариға Назарбаева мемлекеттік қызмет көрсету саласында тәртіп орнатуға шақырды Мемлекеттік орган ғимараттарында смартфонды пайдалануға рұқсат берілмек Ақтөбеде кәсіпкерді ұрған мемлекеттік қызметшілердің бастығы жазаланды

Жиында мемлекеттік қызметкерлердің этикасы, ақпараттық қауіпсіздік, қызметкерлердің ауысу мәселесі қаралды. Оған Мемлекеттік қызмет және сыбайлас жемқорлыққа қарсы іс-қимыл агенттігі Ақтөбе облысы бойынша департаменті басшысының міндетін атқарушы Бауыржан Оразов, аудандық әкімдіктердің аппарат басшылары бейнебайланыс арқылы қатысты.

Ақтөбе облысы әкімі аппаратының ақпараттық қауіпсіздік бойынша бас инспекторы Шыңғыс Нұржігіт ақпараттық қауіпсіздік мәселесіне тоқталды. Ал персоналды басқару бірыңғай қызметінің басшысы Мирхан Ермағанбетовтің айтуынша, биыл облыста 112 мемлекеттік қызметші жұмыс орындарын ауыстырған. Бұл көрсеткіш 2018 жылмен салыстырғанда 0,1% көбейді. Кейбір қала, аудандарда таза ауысым көрсеткіші жыл басында бекітілген шекті мәннен артқан. Облыс әкімінің аппарат басшысы Нұржауған Қалауов мемлекеттік қызметшілердің жұмыстан не себепті кеткеніне талдау жасауға, өз еркімен жұмыстан шыққандар арасында сауалнама жүргізуге тапсырма берді.

«Себепсізден себепсіз қызметтен кету мәселесіне тоқтау салу қажет. Бос орындар саны 132 болып тұр. Біз осы орындардың орнын толтыра алмай жатқанда, екінші жақтан себепсіз жұмыстан босап жатады», - деді аппарат басшысы Н. Қалауов.

Өңірде «Е-Қызмет» ақпараттық жүйесі қолданысының деңгейі де көңіл көншітпейді. Талдау қорытындысы мемлекеттік органдардың жүйедегі белсенділігінің өте төмен екендігі анықталған. Мәселен, электронды-цифрлық қолтаңба қою арқылы 26 443 құжаттың небәрі 1293 немесе 4,9% әзірленген. Жыл басынан бері «Е-Қызмет» ақпараттық жүйесіне 18 776 құжат енгізілген.

Сонымен қатар, облыс әкімдігінің сайттары мен әлеуметтік желі парақшаларына тұрғындар тарапынан келетін арыздар мен хаттарға берілген мемлекеттік орган жауаптарының сапасын қатаң сынға алды. Себебі сұраққа нақты жауап берудің орнына ұзақ тармақшалардан тұратын заңдарды көрсетіп, қарапайым азаматтарға түсініксіз жауап қайтарылады.

«Бұдан былай азаматтардың хатына берілетін жауап тікелей әкімдік аппаратының тексеруінен соң ғана жарияланатын болады. Хат жауабы қарапайым, түсінікті түрде жазылуы қажет», - деді Нұржауған Қалауов.



Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT