USD 436.29 EUR 492.83
RUB 5.92 CNY 68.48
Jańalyqtar

Ақтөбеде мектептер мен оқу орындарында дәстүрлі форматта білім алуға рұқсат берілді

2021 жылғы 27 тамыз 14:02
Бөлісіңіз:
Ақтөбеде мектептер мен оқу орындарында дәстүрлі форматта білім алуға рұқсат берілді

АҚТӨБЕ. ҚазАқпарат – Ақтөбеде дәстүрлі оқу форматына рұқсат берілді. Мектептер мен арнаулы, жоғары оқу орындарына арнайы QR код арқылы кіргізіледі. Сонымен бірге асхана жұмыс істейді, деп хабарлайды ҚазАқпарат тілшісі.

Ұқсас жаңалықтар
Ақтөбеде көлік қаққан мектеп оқушысы оқиға орнында көз жұмды Ақтөбеде зейнеткерлер мен мүгедектер қоғамдық көлікте 40 теңгемен жүреді Ақтөбеде үш көлік соқтығысып, төрт адам ауруханаға түсті

Ақтөбе облыстық санитариялық-эпидемиологиялық бақылау департаменті 2021-2022 оқу жылдарына арналған жаңа қаулы шығарды. Өңірдегі барлық білім беру мекемесі штаттық режимде жұмысын бастайды. Тек бірқатар санитарлық талапты қатаң сақтауы тиіс. Біріншіден, педагогтар мен қызметкерлердің бәрі вакцина салдырған болуы тиіс. Тек медициналық қарсы көрсетілімі бар адамдар мен COVID-19-ды жұқтырып, ауырғанына үш ай толмағандар анықтамасын көрсетуі қажет. Екіншіден, барлық білім беру ұйымына Ashyq қосымшасы енгізіліп, ата-ана мен мұғалімдер, қызметкерлер, арнаулы және жоғары оқу орнының студенттері QR код арқылы қауіпсіз мәртебесін көрсетуге міндетті.

«Маска тағу, ара қашықты сақтау тәртібі сақталуы тиіс. Сонымен бірге есік алдында дене қызуы өлшеніп, санитайзерлер орнату міндеттеледі. Ғимарат ішін жиі тазарту, желдету қажет. Бұқаралық іс-шараларды өткізуге тыйым салынады. Мектепке дейінгі және орта білім беру ұйымдарында топтар мен сыныптарды біріктіріп, түрлі шаралар өткізуге болмайды. Бастауыш, орта және жоғары сынып оқушыларын бөлек-бөлек оқыту ұсынылды. Олардың сабақ уақыты мен қоңырау кестесі әртүрлі болады. Асханада тамақтануға болады, бірақ санитарлық талап сақталуы тиіс. Ал студенттердің жатақханасына бөгде адам кіргізілмейді», - деп жазылған қаулыда.

Сонымен бірге студенттердің вакцинаның екінші компонентін алуы үшін жылжымалы медициналық пункт ұйымдастыру міндеттелді.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT