Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Ақтөбеде мектеп ұстазы оқушысына қол жұмсады деп айыпталды

2019 жылғы 17 сәуір 10:01 734
Бөлісіңіз:
 Ақтөбеде мектеп ұстазы оқушысына қол жұмсады деп айыпталды

АҚТӨБЕ. ҚазАқпарат - Ақтөбедегі №45 орта мектеп мұғалімі Арайлым Елдесоваға қатысты тергеу басталды. Оқушы бас-ми жарақатымен ауруханада ем қабылдап жатыр, деп хабарлайды ҚазАқпарат тілшісі.

Ұқсас жаңалықтар
Талдықорғанда екінші қабаттан құлаған қыздың жағдайы жақсарып келеді Өскеменнің бірнеше ауданы жарық пен сусыз қалды

Ақтөбе полициясы мұғалімді тергеуге алды. Істің мән-жайы әлі белгісіз.

«10-сәуірде Ақтөбе қаласы Алматы ауданының №4 полиция бөліміне бастауыш сынып мұғалімінің 1сынып оқушысына дене жарақатын келтіргені туралы ата-анасының шағымы түсті. Ақтөбе медицина орталығының балалар стационарында кәмелетке толмаған балаға «жабық бас-ми жарақаты, бас миының шайқалуы» диагнозы қойылған. Осы дерек бойынша Қазақстан Республикасы Қылмыстық кодексінің 140-бабы 2-тармағы, яғни, «Кәмелетке толмаған адамды тәрбиелеу жөніндегі міндеттерді орындамау» бабы бойынша соталды тергеу-тексеру шаралары жүргізіліп жатыр», - деп хабарлады облыстық ПД баспасөз қызметі.

Оқушы ем қабылдап жатыр, ал мұғалімді жұмыс тобы бақылауға алды.

«11 сәуір күні 1 сынып оқушысының әжесі немересін ұстазы 1 сағат 45 минут ұрды деп арыз түсірді. Арыздан соң мектеп ішінде жұмыс тобы құрылып, тексеру жүрді. Сынып жетекшісі Арайлым Елдесованың түсініктемесі алынды. Ол оқушыға қол көтермегенін айтты. 11-16 сәуір аралығында ата-аналар балаларының сабағына қатысты. Полиция да балалар мен ата-аналарды қатар отырғызып, түсініктеме алды», - деді мектеп директоры Алмагүл Ешмағамбетова.

Айта кетейік, ата-ана жас маман Арайлым Елдесованы жұмыстан шығаруға талап қойған. Ал мұғалім өзінің оқушыға қол көтермегенін айтты.

«Оқушыны қыркүйектен бастап алып, сабақ беріп келемін. Оқу үлгерімін жаман деп айта алмаймын. Мен ұрған жоқпын, неге бұлай айтқанын білмеймін», -деді А.Елдесова.


Ақтөбеде мектеп ұстазы оқушысына қол жұмсады деп айыпталды 

 

Біздің каналымызға жазылыңыз:

Басты сөздер: Білім, Оқиға, Ақтөбе облысы,
Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT