USD 436.29 EUR 492.83
RUB 5.92 CNY 68.48
Jańalyqtar

Ақтөбеде мектеп мұғалімдері түгел вакцина салдырды

2021 жылғы 24 шілде 00:25
Бөлісіңіз:
Ақтөбеде мектеп мұғалімдері түгел вакцина салдырды

АҚТӨБЕ. ҚазАқпарат - Ақтөбеде медициналық қарсы көрсеткіші жоқ мектеп мұғалімдерінің бәрі вакцина салдырды, деп хабарлайды ҚазАқпарат тілшісі.

Ұқсас жаңалықтар
Ревакцинация: ҚР Бас санитар дәрігерінің жаңа қаулысы шықты Шығыс Қазақстанда 33 мыңға жуық адам Pfizer вакцинасын салдырды Pfizer вакцинасы жайлы жиі қойылатын сұрақтарға мамандар жауап берді

Ақтөбе облысы бойынша 460 мың адам вакцина алуы керек. Қазіргі кезде 211 мыңнан астамы бірінші, ал 118 мыңнан астамы екі компонентті де қабылдады.

Соның ішінде құқық қорғау органдары, медицина қызметкерлері түгел вакцина салдырды.

Тек медициналық тұрғыда кері көрсеткіші бар адамдар уақытша имммундау жұмысынан шеттетілді.

«Облыстағы мектеп мұғалімдері вакцинациялау жұмысы кезінде белсенділік танытты. Олар өздеріне артылған жауапкершілікті жақсы сезінеді. Әрі осы арқылы мектепке қайта оралып, дәстүрлі түрде білім алуға мүмкіндік бар»,- деді облыстық білім басқармасы басшысының орынбасары Гүлназ Сүлейменова.

Ақтөбе облысы бойынша 18 мыңнан астам педагог қазір жаңа оқу жылына дайын. Сонымен қатар 10 мыңнан астам бала бірінші сыныпқа барады. Әлі де құжат қабыдау рәсімі өтіп жатыр.

«Біз үшін баланың қауіпсіздігі маңызды. Мектепке барып, ондағы жағдайды білдім. Мұнда арнайы QR код арқылы мәртебені анықтап, білуге болады. Коронавирус инфекциясына қатысты ақпаратты да үлкен экран арқылы біле аламыз»,- дейді ақтөбелік тұрғын Айсұлу Убайтжанова.

Ақтөбе облысы бойынша барлық емхана мен ірі сауда орындарында вакцинация пункті бар. Олар кешкі 20:00-ге дейін жұмыс істейді.

Өңірде иммундау шарасы жалғасып жатыр.

«Ақтөбе облысы бойынша біз 460 мың адамды қамтимыз деп жоспарлап отырмыз. Оның ішінде 18 мыңнан астамы педагог. Қазіргі кезде мүғалімдер түгел вакцина салдырды. Қазір мектепке дейінгі мекемелер мен орта арнаулы, жоғары оқу орындары қамтылып жатыр»,- деді облыстық денсаулық сақтау басқармасы басшысының орынбасары Бекболат Ізбасаров.

Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT