Ақтөбеде мектеп-интернаттар екі апта карантинде болады
Ақтөбе облыстық санитариялық-эпидемиологиялық бақылау департаментінің басшысы Нұрсұлу Беркімбаева жаңа қаулы шығарды. Өңірде тағы да карантин шектеуі күшейтіледі.
«Арнайы, мамандандырылған ұйымдар, ерекше білім беру қажеттіліктері бар балаларға арналған мектеп-интернаттар (оның ішінде ата-анасының қамқорлығынсыз қалған жетім балаларға), жалпы типтегі мектеп-интернаттар және дарынды балаларға арналған мектеп- интернаттарды 14 күнге карантинге жабу ұйымдастырылсын», - деп жазылған қаулыда. Сонымен бірге қарттар мен сәбилер үйі де осы тәртіпке бағынуы тиіс. Медициналық-әлеуметтік орталықтарында да 13-26 сәуір күндері карантин жарияланып, қызмет көрсететін персоналдың тұруы үшін жағдай жасалуы керек.
«Ал балалар мен ересектерге арналған білім беру орталықтарының жұмысына рұқсат етілсін. Тек адам саны 15-тен аспауы тиіс», - деп жазылған қаулыда.