+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Ақтөбеде мектеп инспекторы оқушыны ұрды

2018 жылғы 26 қыркүйек 13:51
Бөлісіңіз:
Ақтөбеде мектеп инспекторы оқушыны ұрды

АҚТӨБЕ. ҚазАқпарат - Ақтөбе қаласындағы №2 орта мектептен шу шықты. Қазір облыстық ІІД оқушыға қол көтерген мектеп инспекторына қатысты істі тергеп жатыр, деп хабарлайды ҚазАқпарат тілшісі.

Ақтөбе қаласындағы орта мектепте болған оқиға алдымен әлеуметтік желіге жарияланды. Өзінің аты-жөнін жасырған адам №2 орта мектепте инспектордың мектеп формасын сақтамаған оқушыны ұрғанын айтып, көмек сұрады. Ал облыстық ІІД мектеп инспекторының электрошокер пайдаланғанын растамады.

«22 қыркүйек күні №2 орта мектепте болған оқиғаға байланысты қызметтік тексеру басталды. Тексеруден соң шешім қабылданады. Алайда, жасөспірімдер ісі жөніндегі инспектордың электрошокер пайдаланғаны расталған жоқ»,- деді облыстық ІІД баспасөз қызметі.

Қазіргі уақытта №2 орта мектеп директоры Сания Данишева мектеп инспекторының оқушыны ұрғанын растап отыр.

«22 қыркүйек күні оқушы мен инспектор арасында келіспеушілік орын алған. Сол кезде мектеп инспекторы оқушыға қол көтереді. Биыл 1 қыркүйек күні мектеп инспекторы қызметіне 22 жастағы Елек полиция бөлімінің қызметкері келген болатын. Негізі мектеп инспекторы мен кезекші оқушыларды қарап шығып, олардың сабаққа келуі мен ішкі ережені сақтауын тексереді. Инспектор 10-сынып оқушысымен сөйлесіп, кейін оңаша шығарып алған. Инспектордың ұрғаны жөнінде кезекші біліп, дәл сол күні полиция мен оқушының ата-анасы шақыртылды. Медициналық кабинетте оқушының денсаулығы тексерілді. Қазіргі кезде екі тарап татуласты. Мектепке басқа инспектор берілді»,- деді мектеп директоры Сания Данишева.

Біздің каналымызға жазылыңыз:

Басты сөздер: Ақтөбе облысы, Білім, Оқиға,
Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT