+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Ақтөбеде Мәншүк Мәметоваға ескерткіш қойылды

2020 жылғы 9 қазан 21:53
Бөлісіңіз:
Ақтөбеде Мәншүк Мәметоваға ескерткіш қойылды

АҚТӨБЕ. ҚазАқпарат - М.Мәметова атындағы жоғары медициналық колледж ауласына батырдың ескерткіш-бюсті орныталды, деп хабарлайды ҚазАқпарат тілшісі.

Кеңес Одағының Батыры есімімен аталатын оқу ордада Ұлы Жеңістің 75 жылдығына орай Мәншүк Мәметованың құрметіне бюст ашылды. Шараға Ақтөбе облысының әкімі Оңдасын Оразалин, колледж ардагерлері, ұстаздар қатысты. Облыс әкімі ақтөбеліктерді тарихи сәтпен құттықтады.
«Батыр апамыздың есімімен аталатын киелі шаңырақ, колледж ұжымын 85 жылдық мерейтоймен шын жүректен құттықтаймын! Тарихын тереңнен тартқан бұл ұжым бүгінгі күні жаңа заман талабына сай жоғары қарқынмен дамып келеді. Елімізге сапалы медицина кадрларын дайындаудың ұлағатты ұстаханасына айналған Ақтөбе жоғары медициналық колледжі бай тарихымен, мол тәжірибесімен, абыройға ие болып отыр.
Облысымыздың кәсіби білім беру саласына қосып отырған үлесі зор», - деп атап өтті Оңдасын Оразалин.


Сондай-ақ, Алматы қаласынан Мәншүк Мәметованың апасы Шолпан Мәметова, Ресейдің Псков облысы Невельский ауданы дене шынықтыру және спорт басқармасының бастығы Елена Воронкова бейнеқұттықтауларын жеткізді.
Айтып өтейік, 85 жыл тарихы бар оқу орны бүгінгі күнге дейін 20 мыңнан астам маман дайындаған.

Республика бойынша 82 колледждің арасынан бірінші болып көру мүмкіндігі шектеулі жандар үшін «Мейірбике ісі», «Уқалаушы» біліктілігі және сөйлеу мүмкінділігі шектеулі жандар үшін «Ортопедиялық стоматология», «Тіс технигі» мамандықтары бойынша студенттерді оқытып жатыр.


Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT