Қолданушы баптаулары
Қолданушы баптаулары
+7 (701) 759 90 19 Лента
USD 368.28 EUR 419.21
RUB 5.59 CNY 53.08
Jańalyqtar

Ақтөбеде мал іздеуге шыққан 6 адам жоғалып кетті

2018 жылғы 9 қыркүйек 20:09 3825
Бөлісіңіз:
Ақтөбеде мал іздеуге шыққан 6 адам жоғалып кетті

АҚТӨБЕ. ҚазАқпарат -Ақтөбе облысында мал іздеуге шыққан 6 адам хабарсыз кетті, деп хабарлайды ҚазАқпарат тілшісі.

Ақтөбеден мал іздеуге шығып кеткен 47 жастағы Мейірхан Қарақов және оның інісі 42 жастағы Мейіржан Қарақов екі жыл бұрын жоғалып кеткен жылқыны іздеуге кетіп, хабарсыз қалды. Олардың жанында 59 жастағы Әлімжан Есбосынов пен «бір үйір жылқыны көрдім» деген Шалқар ауданының 3 адамы бар. Барлығы 6 адам қыркүйектің бірі күні шығып кетіп, үшінде соңғы рет ауылға хабарласты. Содан бері хабар болмаған соң Қарақовтар отбасы полицияға арыз жазып, әлеуметтік желі арқылы ақтөбеліктерден көмек сұрады.


Ақтөбеде мал іздеуге шыққан 6 адам жоғалып кетті«Өзім шаруа қожалығының басшысымын. Екі балам екі жыл бұрын жоғалып кеткен 33 бас жылқыны іздеп кетті. Негізі бұрын да көрдім деген бағыт бойынша іздеп, табылмаған еді. Соңғы хабар келгенде балаларым Шалқардың үш адамын ертіп алып, УАЗ көлігімен жүріп кеткен. 3 қыркүйекте «байланыс аясында болмаймыз» деп хабарласып, содан бері үнсіз қалды. Олар Шалқардан шығып Ырғыз, Тәуіп ауылы мен Ақеспе елдімекеніне бағыт алған. Арал ауданы жағына қарай кеткен сияқты»,- деді жоғалғандардың әкесі Бақберген Қарақов.

Қарақовтар отбасы 6 қыркүйекте полицияға арыз жазды. Екі баланың жолына қараған Бақберген Қарақов ішкі істер органдары мен әкімдіктен, төтенше жағдайлар қызметінен көмек сұрап, іздеу жұмысына тікұшақты қосуды қажет деп санайды.

«Бір ұлым ауыл шаруашылығы басқармасында жұмыс істейді. Хабар келген соң сұранып, жолға шығып еді. Жолын тосып отырмыз»,- деді Б.Қарақов.


Ақтөбеде мал іздеуге шыққан 6 адам жоғалып кетті

 

Біздің каналымызға жазылыңыз:

Басты сөздер: Оқиға, Ақтөбе облысы,
Бөлісіңіз:

Автор:

Алтынай Сағындықова

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT