+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Ақтөбеде қызды сексуалдық зорлықтан құтқарған жауынгер марапатталды

2020 жылғы 28 маусым 00:20
Бөлісіңіз:
Ақтөбеде қызды сексуалдық зорлықтан құтқарған жауынгер марапатталды

АҚТӨБЕ. ҚазАқпарат – Ақтөбе қаласындағы 6655-әскери бөлімінің қызметкері, ефрейтор Андрей Петровқа «Құқық тәртібін қамтамасыз етуге қосқан үлесі үшін» медалі табыс етілді, деп хабарлайды ҚазАқпарат тілшісі.

Ұқсас жаңалықтар
Ливандағы қазақстандық бітімгерлер Бейруттағы жарылыстан зардап шеккен жоқ

ҚР Ұлттық ұланы «Батыс» өңірлік қолбасшылығының баспасөз қызметінен Ерболат Сұлтановтың мәлім еткеніндей, ҚР Ішкі істер министрі, полиция генерал-лейтенанты Ерлан Тұрғынбаевтың атынан төсбелгіні 6655-әскери бөлім командирі, полковник Мирас Тұрдалин тапсырды.

Полк командирі ефрейтор А.Петровқа адам өмірін құтқарудағы батылдығы мен сауатты іс-әрекеті, белсенді азаматтық ұстанымы үшін алғысын білдірді.

«Ақтөбеде қоғамдық тәртіпті қамтамасыз ету үшін полиция қызметкерлерімен бірге күн сайын 150-ден астам Ұлттық ұлан жауынгері қала көшелеріне шығады. Олар түрлі жағдайда батыл шешім қабылдап, өз міндеттерін абыроймен орындап келеді. Соның жарқын мысалын Андрей Петров көрсетті. Қызметте емес, үйінде жүрсе де, көмекке шақырған адамды құтқара білді. Біз оның ерлігін жоғары бағалап, үлгі етеміз», деді М.Тұрдалин.

«Мен бала күннен әскери қызметші болуды армандадым. Мектепте спорт үйірмелеріне қатысып, еркін күреспен айналыстым, талай жүлде алдым. Өз әрекетімді ерлік деп бағаламаймын. Менің орнымда болған әр азамат осылай істер еді. Біз немқұрайлы болмасақ қана өз жанымызда жүрген адамдарға қолұшын соза аламыз», деді А.Петров.

Бұдан бұрын жауынгердің батыл іс-қимылын ҚР Ұлттық ұланының бас қолбасшысы, генерал-лейтенант Руслан Жақсылықов пен «Батыс» өңірлік қолбасшысы, генерал-майор Әлібек Сералиев бағалап, алғысхаттар мен бағалы сыйлықтар тапсырған болатын.

Еске сала кетейік, бұдан бұрын Ақтөбеде Ұлттық ұлан қызметкерінің қызды сексуалдық зорлықтан құтқарғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT