USD 434.34 EUR 491.93
RUB 5.56 CNY 68.67
Jańalyqtar

Ақтөбеде құс қырылып жатыр: Ветеринарлар жағдайды түсіндірді

2021 жылғы 29 қараша 18:21
Бөлісіңіз:
Ақтөбеде құс қырылып жатыр: Ветеринарлар жағдайды түсіндірді

АҚТӨБЕ. ҚазАқпарат – Ақтөбе облысы Шәмші Қалдаяқов ауылында тауық қырылды. Ветеринарлар сынама алып, оны Нұр-Сұлтан қаласына жіберді, деп хабарлайды ҚазАқпарат тілшісі.

Ақтөбе облысы Қарғалы ауданы Шәмші Қалдаяқов ауылында тұрғындардың қорасындағы тауық қырыла бастады.

Оқиға 16-20 қараша аралығында болған.

Ветеринариялық бақылау және қадағалау комитетінің Ақтөбе облыстық аумақтық инспекциясының басшысы Кеңес Қанадбаевтың айтуынша, мамандарға мәлімет кеш түскен.

«Барлығы 200-ден астам тауық қырылып қалды. Осы оқиғадан соң сынамалар алынып, Нұр-Сұлтан қаласына жіберілді. Қазіргі кезде шешімін күтіп отырмыз. Нақты диагнозы белгілі болған соң шектеу шарасын қолдану туралы шешім шығарылады. Болжам бойынша, тауық арасында кездесетін Ньюкасла ауруы. Ел-жұрттың арасында «құс тұмауы» деген сөз бар. Бірақ ол шындыққа жанаспайды. Біріншіден, күзде құс тұмауына қарсы екпе жүргізілді. Екіншіден қаз-үйрекке жұқпаған», - деді ветеринариялық бақылау және қадағалау комитетінің Ақтөбе облыстық аумақтық инспекциясының басшысы Кеңес Қанадбаев.


Біздің каналымызға жазылыңыз:

Бөлісіңіз:

Автор:

Алтынай Сағындықова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT