Ақтөбеде көлік аударылып, қыз көз жұмды

АҚТӨБЕ. ҚазАқпарат – Ақтөбеде жол апаты болып, 24 жастағы қыз ауруханада көз жұмды, деп хабарлайды ҚазАқпарат тілшісі.

Ақтөбе-Болгарка-Шұбарқұдық тасжолында «Opel Zafira» автокөлігінің 25 жастағы жүргізушісі рульге ие бола алмай, аударылды.

«Жол-көлік оқиғасы салдарынан 24 жастағы бойжеткен ауыр жарақат алып, аудандық ауруханаға жатқызылды. Бірақ дәрігерлер жолаушының өмірін сақтап қала алмады. Осы оқиға бойынша Қылмыстық кодекстің «Жол қозғалысы ережесін бұзу» бабымен іс қозғалды», - деп хабарлады облыстық ПД баспасөз қызметінің жетекшісі Ерболат Сарқұлов.

Айта кетейік, бұған дейін Самара-Шымкент тасжолында көлік аударылып, жолаушы мен жүргізуші көз жұмды.