Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Ақтөбеде кейбір басшылар кабинеттерінің кеңдігін нормадан асырып жіберген

2019 жылғы 16 мамыр 20:22 312
Бөлісіңіз:
Ақтөбеде кейбір басшылар кабинеттерінің кеңдігін нормадан асырып жіберген

АҚТӨБЕ. ҚазАқпарат - Ақтөбеде басшылар кең де жайлы кабинетте отырса, мемлекеттік қызметшілер тар бөлмені өзара бөлісуге мәжбүр. Бұл олқылықты ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаменті анықтады, деп хабарлайды ҚазАқпарат тілшісі.

Ұқсас жаңалықтар
Мемқызмет - кәсібилікті және күйзеліске төзімділікті талап ететін жұмыс Кең кабинеттен бас тартқан аудандық әкімдік 32 млн теңге үнемдеді

ҚР Қаржы министрлігі бекіткен талап бойынша басшылар 25 шаршы метр кабинетте отыра алады және оған 10 шаршы метр демалыс бөлмесіне рұқсат бар. Оның орынбасарына тек 20 шаршы метр бөлінеді. ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаменті мониторинг жасап, бірнеше мекеменің талаптарды сақтамағанын анықтады. Мәселен, Батыс Қазақстан аймақаралық геология және жер қойнауын пайдалану департаментінің басшысы аумағы 47 шаршы метр болатын кабинетте отыр. Демалыс бөлмесі 27 ш.м., қабылдау бөлмесі 31 ш.м. Қызметкерлері де 84 шаршы метр кабинетте жұмыс істер отыр. Яғни, олар белгіленген нормадан асырып жіберді.

«ҚР Ауыл шаруашылығы министрлігінің Агроөнеркәсіптік корпорациясының аумақтық инпекциясы, Орман шаруашылығы және жануарлар дүниесі комитетінің облыстық инспекциясы, Еңбек және халықты әлеуметтік қорғау министрлігі, еңбек, әлеуметтік қорғау және көші-қон комитетінің департаменті, Ақтөбе облыстық қоғамдық денсаулық сақтау департаменті, экология департаменті нормативті сақтамай отыр. Олардың басшылары кең де жайлы кабинетте, ал қызметкерлері тар жерде жұмыс істейді. Кейбір мекемелер кабинеттерді жалға алып отырғанын ескерсек, олардың бюджет ақшасын тиімсіз жұмсап отырғанын көруге болады», - деп хабарлады  Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаментінің баспасөз қызметі.

 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059
MURAǴAT