Қолданушы баптаулары
Қолданушы баптаулары
+7 (701) 759 90 19 Лента
USD 378.01 EUR 420.88
RUB 5.84 CNY 54.64
Jańalyqtar

Ақтөбеде инсульт алған қарияны келіні қаңғыбастар үйіне тастап кетті

2017 жылғы 19 желтоқсан 17:09 290
Бөлісіңіз:
Ақтөбеде инсульт алған қарияны келіні қаңғыбастар үйіне тастап кетті

АҚТӨБЕ. ҚазАқпарат - Ақтөбе облыстық белгілі тұрағы жоқ және қылмыстық жазасын өтеген тұлғаларды бейімдеу орталығындағы тұрғындар саны күн өткен сайын артып келеді. Олардың арасында келіні есік алдына тастап кеткен қария да бар, деп хабарлайды ҚазАқпарат тілшісі. 

Ақтөбедегі белгілі тұрағы жоқ және қылмыстық жазасын өтеген тұлғаларды бейімдеу орталығында күн өткен сайын адам саны көбейіп келеді. Мұндағы тұрғындардың 15-і ұзақ уақыттан бері құжаттарын реттеу үшін жүр. Құжаттары дайын болған соң олар жұмысқа тұрып, кейбірі отбасымен қайта қауышып жатады. Баласының, бауырының жанына қайта оралатындар өте аз.

«Қаңғыбастардың қалада көбейіп кетуінде еш құпия сыр жоқ. Ауылдан қалаға жұмыс іздеп келеді. Таба алмаған соң көше кезіп, тапқанын тамақ етіп ішеді. Арасында ішімдікке салынғандары басым. Жолы болмағандар басқа адамдарды кінәлауға бейім. «Мені үйімнен қуып жіберді», «балам барымды тартып алды» деп айтатындар бар. Қыста өте көп келеді. Бір түнде 28 адам келді»,- деді орталық директоры Сабырғали Дәулетов.

Мұнда қазір 60-қа жуық адам бар. Көбі көше кезіп, далаға түнеуді, қыста орталықты паналауды әдетке айналдырған. Кейбірі құжаттарын түгелдеу үшін орталық мамандарының көмегіне жүгінеді.


Ақтөбеде инсульт алған қарияны келіні қаңғыбастар үйіне тастап кетті 

«Орталыққа қазан айында келіп, қазір құжаттарымды қайта қалпына келтіріп жатырмын. Келіншегім қаза болып, екі балам үйленді. Өзім 70 жасқа толамын. Бұған дейін мал бағып, ауылда жүрдім. Енді күшім кетті. Сондықтан құжаттарымды қайта қалпына келтіріп, қарттар үйіне орналасқым келеді. Балаларымның отбасына араласып, кедергі келтіргім келмейді», - деді орталық тұрғыны Абай Саржалин.

Орталықта Ресей, Өзбекстаннан келген адамдар да жатыр. Кейбірі туған жерін, жылын, туыстарын білмейді. Ондай адамдарға құжаттарын қайта жасату мүмкін болмай тұр. Ал кейбірін туған-туыстары әкеліп тастап жатыр.

«Баласы, қызы, апасы, інісі бар қарияны есік алдына келіні әкеліп тастады. Біз оны емдету үшін аурухана жібердік. Себебі, инсульт алып, төсекке таңылған. Бәлкім мінезі нашар шығар, бірақ бағу керек. Оны жуындырып, күтім жасау орталық қызметкерлерінің міндетіне кірмейді. Қала көшесіндегі мүгедекті, қозғала алмайтын адамды бізге әкеледі. Әкелген соң біз оны қуып жібере алмай, қабылдаймыз», - орталық директоры Сабырғали Дәулетов.


Ақтөбеде инсульт алған қарияны келіні қаңғыбастар үйіне тастап кетті 

Алтынай Сағындықова

 

 

 

 

Біздің каналымызға жазылыңыз:

Басты сөздер: Ақтөбе облысы, Қоғам,
Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
MURAǴAT