Ақтөбеде гараждардың бірінен жүз келіден астам есірткі табылды

АҚТӨБЕ. ҚазАқпарат - Ақтөбеде гараждардың бірінен полицейлер жүз келіден астам есірткі заттарын анықтады, деп хабарлайды ҚазАқпарат.

Ішкі істер министрлігінің мәліметінше, Ақтөбе қаласындағы гараж кооперативтерінің бірінде есірткі заттарын сақтады деген күдікпен облыс орталығының 40 жастағы тұрғынын ұстады.

Тінту іс-шаралары барысында 5 қап (100 кг), ерекше иісі бар жасыл түсті өсімдік заты бар 170 дана сіріңке қорабы (болжам бойынша марихуана), 200 дана пластинка (болжам бойынша гашиш) және жеке тінту кезінде 1 350 000 теңге табылды және тәркіленді.

Осы факті бойынша ҚК-нің 297-бабы 1-бөлігімен сотқа дейінгі тергеу басталды

Қазіргі уақытта тінту шаралары жалғасуда.