14:13, 18 Шілде 2018 | GMT +6
Ақтөбеде ерекше қыз бала дүниеге келді
АҚТӨБЕ. ҚазАқпарат - Ақтөбе қаласының перинаталдық орталығында ерекше ірі қыз бала дүниеге келді. Сәбидің салмағы 6 келі, 350 грамм деп хабарлайды ҚазАқпарат тілшісі.
«15 шілдеде дүниеге қыз келді. Сәбидің салмағы 6 келі 350 грамм, бойы 63 сантиметр. Табиғи жолмен босандырып алдық. Қазіргі уақытта анасы мен нәрестенің жағдайы жақсы. Ол отбасындағы алтыншы бала», - деді Ақтөбе перинаталдық орталығының қызметкерлері.
Ақтөбеде мұндай ірі баланың тууы алғаш рет болып отыр. Ол - Ринат Тастанбеков пен Бибігүл Байболатованың отбасында бес ұлдан кейін туған алғашқы қыз бала.