Ақтөбеде екі оқушыны көлігімен қағып кеткен жүргізуші іздестіріліп жатыр
Ақтөбе облыстық полиция департаментінің хабарлауынша, оқиға қаладағы Тәуелсіздік даңғылы бойында болды.
Куәгерлердің сөзіне сүйенген құқық қорғаушылар ақ түсті «ВАЗ 2121 маркалы көлік жүргізушісі даңғылымен жүріп келе жатып, жолдың жүру бөлігін кесіп өткен 8 және 9 жастағы кәмелетке толмаған жаяу жүргіншілерді қағып кеткен.
Кейін жол-көлік оқиғасы орнынан қашып кеткен.
«Оқушылар Ақтөбе қаласының жедел медициналық жәрдем ауруханасының реанимация бөлімшесіне жатқызылды. Осы дерек бойынша Қылмыстық кодекстің «Жол ережесін бұзу» бабы бойынша сотқа дейінгі тергеу басталып, күдікті адамды анықтауға және ұстауға бағытталған жедел іс-шаралар жүргізіліп жатыр. Куәгерлерден «102» нөміріне қоңырау шалуды сұраймыз. Құпия қалатынына кепілдік беріледі»,- деді облыстық ПД баспасөз қызметінің жетекшісі.
Еске салсақ, Хромтау қаласында сарайдан өрт шығып, гаражға ұласты. Ондағы көлік жанып кетіп, төрт адам аурухананың жансақтау бөліміне түсті.
Үй иесінің айтуынша, өрт шыққанын көрген кезде бірден адамдарды құтқаруға барған. Онда пәтер жалдаушылар тұрған. Барлығы да өрт ішінен шыққан.