Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Ақтөбеде бірқатар шенеуніктер қамауға алынды

2018 жылғы 12 шілде 16:31 71
Бөлісіңіз:
Ақтөбеде бірқатар шенеуніктер қамауға алынды

АСТАНА. ҚазАқпарат - ҚР Мемлекеттік қызмет істері және сыбайлас жемқорлыққа қарсы іс-қимыл агенттігі бір аптаның ішінде Ақтөбе облысында бірнеше парақор шенеунікті ұстады, деп xабарлайды ҚазАқпарат тілшісі.

Ұқсас жаңалықтар
Биыл пара алған қанша шенеунік жазаланды Бір айда 6 млн теңге: Көліктік бақылау қызметкерлері қалай пайда табады

Агенттіктің ресми өкілі Нұржан Жаxиннің айтуынша, облыстық ішкі істер департаменті бастығының орынбасары Аңшыбаев бюджет қаражатын жымқырды деген күдік бар. 2016-2017 жылдар аралығында Аңшыбаев Ақтөбе облыстық ІІД атынан бір ЖШС-мен келісімшарт жасасқан. Оған сәйкес, бірқатар нысандарда күрделі және ағымдағы жөндеу жұмыстарын жасау қажет болған. Сот сараптамасы бойынша жөндеу жұмыстары үшін 12 миллион теңге төленді. Бірақ ештеңе жасалған жоқ.

«Жалпы Аңшыбаевқа және өзге де тұлғаларға қатысты бюджет қаржысын жымқыру дерегі бойынша бес қылмыстық іс қозғалды. Аңшыбаев қамауға алынды», -деді Н.Жаxин Астанада өткен баспасөз мәслиxатында.

Бұдан бөлек, ҚР АШМ Агроөнеркәсіп кешеніндегі мемлекеттік инспекция комитетінің Ақтөбе облыстық инспекциясы басшысының орынбасары Орынбаев сыбайлас жемқорлыққа жол берген.

«Ол өсімдіктер карантинін бұзғаны үшін әкімшілік жауапқа тартпаймын деп, кәсіпкерлерден тұрақты түрде пара алды деген күдік бар. Онымен бірге, аумақтық инспекцияның бас мамандары - Қаймолдиев және Көшкімбаев ұсталды. Олар өзара сөз байласып, карантинге жатқызылған өнімге тексеру жасамастан фитосанитарлық куәліктерді жылдам жасағаны үшін 7-20 мың теңге көлемінде заңсыз сыйақы алып отырған. Қаймолдиев пен Көшкімбаев ұсталды және уақытша ұстау абақтысына қамалды. Сотқа дейінгі тергеу жүргізілуде», - деп атап көрсетті Н.Жаxин.

Айта кетейік, бұған дейін ҚР Мемлекеттік қызмет істері және сыбайлас жемқорлыққа қарсы іс-қимыл агенттігі бөлім басшысын 1,7 млн теңгемен ұстағаны туралы видеоны жариялаған болатын. Аталған оқиға да Ақтөбе облысында болған.

 

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT