Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 428.94
RUB 5.93 CNY 56.70
Jańalyqtar

Ақтөбеде билетсіз жолаушылар үшін жолсеріктер жазаланды

2019 жылғы 16 сәуір 20:02 356
Бөлісіңіз:
Ақтөбеде билетсіз жолаушылар үшін жолсеріктер жазаланды

АҚТӨБЕ. ҚазАқпарат - Ақтөбеде бес күн ішінде пойызға билетсіз мінген 49 адам анықталды. Вагондардың жолсеріктеріне әкімшілік айыппұл салынды, деп хабарлайды ҚазАқпарат тілшісі.

ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің «Ақтөбе - адалдық алаңы» жобалық кеңсесі «Жолаушылар тасымалы» АҚ-ның облыстық филиалымен, көліктік бақылау инспекциясымен бірге билетсіз жолаушыларды анықтау мақсатында рейд өткізді. Анықталған 55 жолаушының 49-ы соңғы бес күнде тіркелді.

«Алматы-2 - Саратов» бағытындағы пойызда билетсіз мінген 6 жолаушы анықталды. «Жолаушылар тасымалы» АҚ-да жұмыс істейтін 3 жолсерік әкімшілік жауапкершілікке тартылып, әрқайсысына 2,5 АЕК көлемінде айыппұл салынды. Сонымен қатар еш құжатсыз қосымша 170 келі жүк тасымалданған. Ал «Атырау - Алматы» бағытындағы 8 жолсерік пен пойыз бригадирі 12 жолаушыны билетсіз мінгізгені үшін жазаланды. «Алматы - Атырау» бағытында да 37 билетсіз жолаушы болды», - деді «Ақтөбе- адалдық алаңы» жобалық кеңсесі сарапшылар кеңесінің басшысы Жанболат Тортаев.

Бұған дейін Ақтөбе теміржол вокзалындағы автотұрақ пен кассаға шағым көптеп түсіп жатқанын жазған болатынбыз. 

 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059
MURAǴAT