Ақтөбеде бес қабатты тұрғын үй өртенді

АҚТӨБЕ. ҚазАқпарат - Ақтөбеде 5 қабатты тұрғын үйдің төртінші қабатындағы пәтерден өрт шықты, деп хабарлайды ҚазАқпарат ҚР ІІМ ТЖК баспасөз қызметіне сілтеме жасап.

Өрт 9 мамыр күні 14.38-де шығып, 14.58-де ауыздықталды және 15.05-те сөндірілді. 4 адам эвакуацияланып, 1 адам құтқарылды.

Жалын 3 шаршы метр аумақты шарпыған. 1929 жылғы әйел адам иісті газден уланып, ауруханаға жеткізілді. Өрттің алдын ала шығу себебі - электр сымдарының қысқа тұйықталуы.

Ақтөбе облыстық өрт сөндіру қызметінің қызметшілері тілсіз жауды дер кезінде ауыздықтады.

ТЖК атап өткендей, қысқа тұйықталудың бірнеше себебі бар. Ол изоляция сапасының төмен болуы, электр сымдарын дұрыс емес жөндеу, сымдар мен электр құралдарының нашар қосылуы салдарынан болуы мүмкін.