12:22, 20 Ақпан 2018 | GMT +6
Ақтөбеде басына мұз түскен 6 жастағы бала қаза болды
АҚТӨБЕ. ҚазАқпарат - Ақтөбенің Ырғыз ауданы Ақши ауылында 6 жастағы баланың басына мұз түсіп, мерт болды, деп хабарлайды ҚазАқпарат тілшісі.
Ақши ауылында қайғылы оқиға тіркелді. Су мұнарасының жанында жүрген 6 жастағы баланың басына мұз түсіп, ол оқиға орнында қаза болған.
«Бала 27 қаңтар күні 6 жасқа толған екен. Өкінішке қарай, сол жерде қаза болды. Ауруханаға тек сараптама жасату үшін әкелді. Ашық бас-ми жарақатын алған баланың оқиғасы қайғылы жағдай болып тіркелді», - деді Ырғыз аудандық ауруханасы бас дәрігерінің орынбасары Гүлайым Малдығұлова.
Айта кетейік, Ақши ауылы аудан орталығынан 18 шақырым қашықтықта орналасқан.