+7 (701) 759 90 19
USD 389.75 EUR 434.26
RUB 6.12 CNY 55.05
Jańalyqtar

Ақтөбеде ауыл тұрғындары ауыз сусыз отыр

2019 жылғы 25 маусым 18:35
Бөлісіңіз:
Ақтөбеде ауыл тұрғындары ауыз сусыз отыр

АҚТӨБЕ. ҚазАқпарат - Ақтөбе қаласындағы Ақжар-2 ауылының тұрғындары ауыз суға зәру. Бүгін тұрғындар шағымын айтып, әкімдіктен жауабын алды, деп хабарлайды ҚазАқпарат тілшісі.

Ақжарлықтар жаздың ыстығында суға жарымай отыр. Таңертең сыздықтап ағып, тоқтап қалады. Сондықтан ауыл халқы ауыз суды қаладан тасиды, кейде сатып та алады.

«Жаздың екі айында сусыз қалып отырмыз. Белгілі бір уақыты да жоқ. Бау-бақшамыз бар, бірақ суара алмай отырмыз. Адамдар 50-60 мың теңгеге дейін айыппұл саламыз деп қорқытады», - зейнеткер Серік Қуанұлы.

Бүгін ауыл тұрғындарына жаңа әкім Мавр Абдуллин барды.

«Тұрғындар су, қоқыс мәселесін көтеріп жатыр. Біз суға жауапты «Ақбұлақ» АҚ-мен кездестік. Ертеңге дейін жерасты су қоры туралы ақпарат береді. Қазір 4 ұңғыма жұмыс істеп тұр. Әрқайсысы 25 текше метр су береді. Қоғамдық көлік, көше жарықтандыру бағытында жұмыс істейміз», - деді Ақтөбе қаласының әкімі Мавр Абуллин.

Тұрғындардың айтуынша, мәселе 2011 жылдан бері көтеліп келеді. Алғашқы кезде бұл ауылда 1200 үй болса, қазір халық саны екі есе өскен.

«2011 жылы қалаға көшіп келдім. Үш жылдай пәтер жалдап жүріп, осы жерді алған едім. Салған үйім де біткен жоқ. Сол бітпеген үйде бес баламмен тұрып жатырмыз. Жолдасым үйге қарайды. Қазір 50 мың теңге жалақыма тек су алып ішіп отырмын. Аптасына кір жуатын суды да сатып аламыз. Әркімнен жалынып, бөтелкелеп су сұраймыз»,- дейді Полат Алмағамбетов.

Жергілікті әкімдік бұл мәселенің нақты қай күнін шешілетінін айта алмады.

Біздің каналымызға жазылыңыз:

Басты сөздер: Ақтөбе облысы, Әкім, Қоғам,
Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT