+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Ақтөбеде аула сыпырушы кәсіпкер болып кетті

2019 жылғы 14 шілде 09:00
Бөлісіңіз:
Ақтөбеде аула сыпырушы кәсіпкер болып кетті

АҚТӨБЕ. ҚазАқпарат – Ақтөбеліктер «Бастау» жобасымен дәстүрлі емес шаруашылықты меңгеріп жатыр, деп хабарлайды ҚазАқпарат тілшісі.

Ұқсас жаңалықтар
Жетісайлық көпбалалы ана мемлекеттің қолдауымен кәсібін дөңгелетіп отыр Алматыда 800-ден астам жас стартапшы өз жобаларын ұсынды «Бизнестің жол картасы – 2025» бағдарламасын іске асыруға 421 млрд теңге бағытталады

«Атамекен» ҰКК-ның Қобда аудандық филиалы 42 жастағы Александр Красильниковтің бизнес бастауына көмектесті. Ауыл тұрғыны алдымен кәсіпкерлік негіздерін оқып, хоббиін табысқа айналдырды.

«Өзімді қызықтыратын саланы кәсіпке айналдыруға бел будым. Алғашында бір омартадан бастап, 50 мың ара ұстадым. Қазір алма бағында төрт үйшік, онда 200 мың ара бар. Шөптің түрі көп, тіпті мақсары алқабына ара жіберіледі. «Медовик» кооперативінің белсенді мүшесі болып алдым. Ал оған дейін ауыл мектебінің аула сыпырушысы болып еңбек еттік. Жаңа іс бастау туралы ойламаған едім. Көз қорқақ, қол батыр екен», - деді Александр Красильников.

Омарташы өзі өндірген балды брендке айналдыруды көздеп отыр. Биыл шаруашылығын кеңейтіп, үздіксіз тапсырыс қабылдады.

«Балдың емдік қасиетін көп адам біледі. Әрі таза өнімді дүкеннен табу қиын. Алдағы уақытта арнайы құтыға салып, атауымен сатылымға шығарғым келеді», - деді кәсіпкер.

Айта кетейік, «Бастау» жобасы Ақтөбенің Қобда ауданында 2018 жылы алғаш рет іске асырылды. Барлығы 91 адам оқып, 22-сі несие алып, ісін бастады. Оларға 62 миллион теңгеден астам қаржы берілді.

Қобда ауданы бойынша тренер Базархан Құлмановтың айтуынша, биыл 70 тұрғын кәсіпкерлік негіздерін меңгерді. Білім алғандардың кейбірі ісін бастап кетті. 2018 жылы «Еңбек» бағдарламасы аясында қолға алынған «Бастау» жобасына 2 мыңнан астам ақтөбелік қатысты. Оның 500-ден астамы несие алып, кәсіп бастаған.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT