+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Ақтөбеде 9 айлық балада менингит диагнозы расталды

2018 жылғы 14 маусым 12:15
Бөлісіңіз:
Ақтөбеде 9 айлық балада менингит диагнозы расталды

АҚТӨБЕ. ҚазАқпарат - Ақтөбеде 9 айлық сәбиден менингококк жұқпасы анықталды. Сәби қазір ауруханада ем қабылдап жатыр, деп хабарлайды ҚазАқпарат тілшісі Өңірлік коммуникациялар қызметіне сілтеме жасап.

Қоғамдық денсаулық сақтау комитетінің Ақтөбе облысы бойынша департаментінің басшысы Нұрсұлу Беркімбаеваның айтуынша, сәби облыстық клиникалық жұқпалы аурулар ауруханасының жансақтау бөлімшесіне «жедел респираторлы-вирустық инфекция» диагнозымен жатқызылған.

«Балада «менингококк жұқпасы» диагнозы зертханалық түрде расталды. Науқас емделу курсынан өтуде. Сәбидің жағдайы тұрақты, жақсарғаны байқалады. Онымен араласқан туыстары тексерілді, тексеру нәтижелері теріс. Оған медициналық бақылау орнатылды. Эпидемияға қарсы шаралар толық көлемде жүргізілді», - деді Нұрсұлу Беркімбаева.

Айта кетейік, жыл басынан бері өңірде менингококк жұқпасы үш адамнан анықталды.

«Дертке шалдыққан адамның барлығы емделді. Науқастардың медициналық ұйымдарға уақытылы баруының арқасында барлық жағдайлар жақсы аяқталды. Осы адамдармен байланыста болған 180 адам тексерілді. Тексеру нәтижелері бойынша тасымалдаушылар тіркелген жоқ. Менингококк инфекциясы үш оқиғаның 2-еуінде зертханалық түрде расталды, біреуіне диагноз клиникалық мәліметтер негізінде қойылды. Қазіргі кезде ахуал тұрақты», - деді Нұрсұлу Беркімбаева.

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT