Ақтөбеде 517 сайлау учаскесі дайындалды
Ақтөбе облысы Парламент Мәжілісі мен мәслихат депутаттарының сайлауын өткізуге толықтай дайын. Облыс әкімі Оңдасын Оразалин сайлау учаскесінің материалдық-техникалық жабдықталуын қарап шықты. Санитарлық-эпидемиологиялық талап та маңызды.
Айта кетейік, облыстың 562 351 тұрғыны дауыс береді деп күтіліп отыр. Дауыс беру процесін саяси партиялар мен қоғамдық бірлестік филиалдарының байқаушыларынан өзге ТМД мен ЕҚЫҰ өкілдері бақылайды.
«Өңір басшысы учаскелерде сайлаудың өтуін және қатысушылардың қауіпсіздігін қамтамасыз етуге бағытталған жұмысты қарап шықты. Әсіресе санитарлық-эпидемиологиялық талаптардың сақталуына, мүмкіндігі шектеулі адамдардың кедергісіз дауыс беруіне жасалған жағдай туралы білді. Учаскелерде пандустар, тұтқалар орнатылған, бейімделген форматтағы ақпараттармен жабдықталған мониторлар бар. Коронавирус инфекциясының таралуын болдырмау мақсатында медицина қызметкерлері мен еріктілердің кезекшілігі ұйымдастырылады», - деді облыс әкімінің баспасөз қызметі.