+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Ақтөбеде 2,6 млн тонна мал азығы дайындалады

2021 жылғы 11 маусым 06:38
Бөлісіңіз:
Ақтөбеде 2,6 млн тонна мал азығы дайындалады

АҚТӨБЕ. ҚазАқпарат – Ақтөбе облысының шаруалары биыл бір жарым жылдық мал азығын дайындайды, деп хабарлайды ҚазАқпарат тілшісі облыс әкімінің баспасөз қызметіне сілтеме жасап.

Еліміздің Маңғыстау, Қызылорда облыстарында мал азығы жетпей, жайылым жер мәселесі көтерілді.

Қуаңшылық салдарының алдын алу үшін өңірде мал азығын мол жинау тапсырылды.

Биыл шамамен 2,6 млн тоннадан астам мал азығын, яғни, бір жарым жылдық қор дайындалуы тиіс.

«Болжамдарға қарағанда жаз ыстық болады. Көрші облыста қандай жағдай болып жатқанын білесіздер. Сол деректерді ескере отыра, шаруаларға мал азығын артығымен дайындау туралы түсіндіру керек. Ең алдымен, ішкі сұранысты қамтамасыз етіп, мүмкіндігінше көрші өңірге де көмектескен жөн»,- деп атап өткен Оңдасын Оразалин. Бұдан басқа, облыс әкімі суармалы жерлерді тиімді пайдалану сұрағын да көтерді. Оңдасын Оразалин 2,4 мың гектар суармалы жер босқа тұрғаны үшін Ақтөбе қаласы мен Қарғалы, Хромтау аудандары әкімдерінің жұмысын сынға алды.

«Бұған сіздер де жол бердіңіздер. Пайдаланылмаған жерлерді алып, жұмыс істейтіндерге беру керек . Әр гектар бойынша жоспар құрып, егіс құрылымын анықтаңыздар. Келер жылы көктемде суармалы жердегі жұмысты кідіріссіз бастаңыздар», - деп талап етті Оңдасын Оразалин.

Айта кетейік, бүгінде өңірде 10,6 мың гектардан аса суармалы жерді қалпына келтіру жұмысы жүргізіліп жатса, оның 4,5 мың гектары биыл пайдалануға берілмек.


Біздің каналымызға жазылыңыз:

Бөлісіңіз:

Автор:

Алтынай Сағындықова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT