Қолданушы баптаулары
Қолданушы баптаулары
+7 (701) 759 90 19 Лента
USD 378.93 EUR 423.00
RUB 5.87 CNY 54.82
Jańalyqtar

Ақтөбеде 15 мемлекеттік қызметші сыбайлас жемқорлық бойынша жауапқа тартылды

2019 жылғы 24 сәуір 18:52 521
Бөлісіңіз:
Ақтөбеде 15 мемлекеттік қызметші сыбайлас жемқорлық бойынша жауапқа тартылды

АҚТӨБЕ. ҚазАқпарат - Өткен жылы Ақтөбеде 59 мемлекеттік қызметші жауапқа тартылды. Биыл 15 адам заң алдында жауап беріп жатыр, деп хабарлайды ҚазАқпарат тілшісі.  

Ұқсас жаңалықтар
Бір өкімге 500 мың теңге - жаңаөзендік судья парақорлық дауға ілікті Сапасыз консерві сатқан шенеунік кәсіпкерлерді 600 млн теңге шығынға ұшыратты

Сыбайлас жемқорлыққа қарсы іс-қимыл ұлттық бюросының облыстық департамент басшысы Мирлан Мұхамбетов бүгін «Адалдық алаңы» жобалық кеңсесіне барып, тұрғындардың сұрағына тікелей эфир арқылы жауап берді. Өңірде сыбайлас жемқорлық дерегі көбіне құқық қорғау саласында тіркеледі.

«Еліміз бойынша Ақтөбеде құқық қорғау қызметкерінің саны көп. Өңірде 4 мыңға жуық қызметкер бар. Сыбайлас жемқорлығы осы салада және жергілікті әкімдік, білім, денсаулық сақтау саласы бар. Биыл да полиция қызметкерлеріне қатысты қылмыстық іс қаралып жатыр», - деді Сыбайлас жемқорлыққа қарсы іс-қимыл ұлттық бюросының облыстық департамент басшысы Мирлан Мұхамбетов.

Тікелей эфир кезінде мемлекеттік қызметшілердің түрмелерге экскурсия жасап, сыбайлас жемқорлықтың алдын алу шарасы да сұралды.

«Бірнеше экскурсия болды. Сол экскурсиядан кейін мемлекеттік қызметкерлер өздеріне ой түйгенін айтты. Бұл шара сыбайлас жемқорлықтың алдын алуға мүмкіндік берсе, жалғастырамыз», - деді Мирлан Мұхамбетов.

Айта кетейік, Ұлттық бюроның облыстық департаменті 2019 жылдың 3 айында 53 қылмыстық істі тіркеді. Оның 45-і жемқорлыққа қатысты. Жемқорлыққа қатысты істің 9-ы бюджет қаржысын жымқыру, жетеуі пара және 31-і қызметін асыра пайдалану. Істі болғандардың арасында мемлекеттік қызметшілер бар. Оның екеуі облыстық, аудандық деңгейдегі басшы, төртеуі құқық қорғау саласынан.

Барлығы 43 қылмыстық іс сотқа жіберілді. Істі болған басшылар арасында Ақтөбе қалалық тұрғын үй қатынастары бөлімінің басшысы Жанаргүл Дүйсекенова да бар.  Қазір тергеу жүріп жатыр. 

 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
MURAǴAT