+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Ақтөбеде 1250 адам коронавирус инфекциясынан ем қабылдап жатыр

2021 жылғы 31 тамыз 14:44
Бөлісіңіз:
Ақтөбеде 1250 адам коронавирус инфекциясынан ем қабылдап жатыр

АҚТӨБЕ. ҚазАқпарат – Ақтөбедегі инфекциялық стационарларда 1250 адам жатыр. Оның 17-і өкпені жасанды желдету аппаратына қосылған, деп хабарлайды ҚазАқпарат тілшісі.

Ұқсас жаңалықтар
Атырау облысында 400-ге жуық адам Pfizer вакцинасын салдырды Ақтөбеде облыстық мәслихаттың экс-депутаты ақталып шықты «Омикрон» штамы: Қазақстанға ұшақпен келетін жолаушыны қабылдау тәртібі қатаңдатылды

Ақтөбе облысы бойынша бір тәулікте 123 адамнан коронавирус инфекциясы анықталды. Оның 108-і вирустың симптомды түріне шалдыққан. Облыстық денсаулық сақтау басқармасы басшысының орынбасары Бекболат Ізбасаровтың айтуынша, барлығы 109 адам жансақтау бөлімінде жатыр.

«17 науқас өкпені жасанды желдету аппаратына, 40 науқас инвазивті емес аппаратқа қосылған. Балалар туралы айтар болсам, барлығы 394 баланың 24-і ауруханада жатыр. Олардың жағдайы орташа ауыр. Сонымен бірге коронавирус инфекциясын жұқтыран 146 жүкті келіншектің 56-сы ауруханаға жатқызылған. Төртеуінің жағдайы ауыр», - деді облыстық денсаулық сақтау басқармасы басшысының орынбасары Бекболат Ізбасаров.

Қазіргі кезде облыс бойынша инфекциялық кереует жүктемесі 66,4 %, реанимациядағы жүктеме 49% болды. Өңірде вирустың таралуының алдын алу, карантин шектеуінің сақталуын бақылап отырған мониторинг топ жұмысын жалғастырып жатыр.

«23-30 тамыз аралығында облыстық санитариялық-эпидемиологиялық бақылау департаментінде 48 материал түсті. Оның 27-і қаралып, өзгесі тексеріліп жатыр. «Алтын шатыр» мейрамханасына үш рет, «Тұмар», «Юрта», «Нұр» ресторандарына екі рет, сондай-ақ «Хан сарайы», «Алтын», «Тұрар», «Көркем», «Сәке», «Асыл» мейрамханаларына той-думан өткізгені үшін айыппұл салынды. Маска тағу режимін сақтамағаны үшін «Дина» гипермаркетінің әкімшісіне, карантин режимін сақтамағаны үшін лаундж бар, бірнеше дүкенге әкімшілік хаттама толтырылды», - деді облыстық санитариялық-эпидемиологиялық бақылау департаментінің басшысы Нұрсұлу Беркімбаева.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT