+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Ақтөбе жастары жалғызбасты соғыс және еңбек ардагерлеріне көмектесуде (ФОТО)

2015 жылғы 5 ақпан 07:51
Бөлісіңіз:
Ақтөбе жастары жалғызбасты соғыс және еңбек ардагерлеріне көмектесуде (ФОТО)

АҚТӨБЕ. ҚазАқпарат - «Кеңес» жастар қоғамдық бірлестігі «Жеңіс күніне дейін 100 күн» акциясын бастады.

Сабақтан кейін жастар - мектеп оқушылары, студенттер, еріктілер егде жастағы жандарға өз еріктерімен көмектеседі: олар аулалардағы қарды тазалап, үйлерін жинайды, ардагерлерге мүмкіндіктеріне орай азық-түлік сатып алады.

«Біз мұқтаж адамдарға бұрын де көмектесіп жүретінбіз, бірақ Ұлы Жеңістің 70 жылдығына дейін 100 күн қалғанда осындай атпен мақсатты акцияны бастауды шештік. Өкінішке қарай, біз соғыс және еңбек тылының ардагерлерін көріп отырған соңғы ұрпақпыз. Сондықтан біз оларға қамқорлық жасауымыз керек», - деді «Кеңес» жастар бірлестігінің өкілі Арслан Қарханов.

Өткен сейсенбіде балалар еңбек майданының қатысушысы Тамара Братчикованың үйінде болды. Тамара Сергеевна үй шаруасын қиындықпен атқарады. Жігіттер қолдарына күректер алып, оның ауласын қардан тазалады, қыздар болса өз кезегінде үйін жинастырды.

«Күндіз еңбек ардагері Анна Юрченконың үйіне де бардық. Қарт ана қатты қуанды. Ол жалғыз тұрады. Біз ардагерлеріміз туралы Жеңіс күнінің қарсаныңда ғана емес, одан да жиірек еске алып, оларға көмек көрсетуіміз қажет», - дейді жастар бірлестігі белсенділерінің бірі Екатерина Сабуть.




Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT