+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Ақтөбе полициясы мейрамханадағы тойды таратып жіберді

2020 жылғы 20 қазан 11:03
Бөлісіңіз:
Ақтөбе полициясы мейрамханадағы тойды таратып жіберді

АҚТӨБЕ. ҚазАқпарат – Ақтөбе қаласында үйлену тойын өткізгендер анықталды. Полиция той қонақтарын таратып жіберді, деп хабарлайды ҚазАқпарат тілшісі.

Ақтөбе қаласы Заречный-2 елді мекеніндегі мейрамханалардың бірінде үйлену тойы тоқтатылды. 17 қазан күні рейд кезінде учаскелік полиция инспекторлары Бас мемлекеттік санитариялық дәрігер қаулысының талаптары бұзылғанын анықтады. Мейрамханада 60 адамға арналған үйлену тойы өткізілген.

«Мейрамхананың күзетшісі учаскелік полиция қызметкерлеріне бағынбады. Ол ӘҚБтК-нің «Құқық қорғау органы немесе арнаулы мемлекеттік орган қызметкерінің, әскери қызметшісінің, әскери полиция органының, сот приставының, сот орындаушысының заңды өкіміне немесе талабына бағынбау» бабы бойынша жауапқа тартылды. Ал мейрамхана иесіне ӘҚБтК-нің «Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу» бабы бойынша материал жиналып, іс жүргізу шешімін қабылдау үшін Ақтөбе қалалық тауарлар мен көрсетілетін қызметтердің сапасы мен қауіпсіздігін бақылау басқармасына жолданды», - деді облыстық ПД баспасөз қызметінің жетекшісі Ерболат Сарқұлов.

Айта кетейік, 18 қазан күні Заречный-2 елді мекенінде тағы 60 адамға арналған той өткізілген. Бұл іске қатысты да әкімшілік хаттама толтырылды.


Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT