Ақтөбе облысында жүк көлігі мен жеңіл авто соқтығысып, 4 өзбекстандық қайтыс болды

АҚТӨБЕ. ҚазАқпарат – Ақтөбе облысында жүк көлігі мен жеңіл авто соқтығысып, 4 шетелдік қайтыс болды, деп хабарлайды ҚазАқпарат polisia.kz телеграм каналына сілтеме жасап.

«4 наурыз күні Солтүстік айналма жолда КамАЗ жүк көлігі мен Cobalt жеңіл автокөлігі соқтығысқан. Жеңіл автокөліктің жүргізушісі мен үш жолаушысы – барлығы Өзбекстан Республикасының азаматтары оқиға орнында көз жұмды. Сотқа дейінгі тергеу басталды және оқиғаның мән-жайы анықталып жатыр», - делінген хабарламада.