+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Ақтөбе облысында полицейлер 100 % планшетпен қамтамасыз етілген

2020 жылғы 22 қыркүйек 20:01
Бөлісіңіз:
Ақтөбе облысында полицейлер 100 % планшетпен қамтамасыз етілген

АҚТӨБЕ. ҚазАқпарат – Ақтөбеге Ішкі істер министрінің орынбасары Арыстанғани Заппаров келді. Ол Президент Жолдауының ережелерін түсіндірді, деп хабарлайды ҚазАқпарат тілшісі.

Жиынға облыстық полиция департаменті басқармаларының бастықтары, онлайн режимде аудандық бөлім басшылары қосылды. Ішкі істер министрінің орынбасары Арыстанғани Заппаров төтенше жағдайлар министрлігін құру, учаскелік полиция инспекторларының мәртебесін арттыру, цифрландыруды дамыту, сыбайлас жемқорлыққа қарсы күрес және тағы да басқа мәселелер жайында сөз қозғады.

«Президенттің тапсырмасына сәйкес Төтенше жағдайлар министрлігі қайта құрылды. Бұған дейін оның функциялары ІІМ құрамында болған. Жолдауға сәйкес учаскелік полиция инспекторларының мәртебесі артады. Бұл өте маңызды. Әрбір учаскелік инспектор өзі жауапты болған әкімшілік учаскеде беделді, танымал адам болуы керек. Біз учаскелік полиция инспекторының материалдық-техникалық базасын жақсартатын боламыз. Учаскелік полиция қызметкерлерінің жалақысына қосымша ақы төленеді», - деді ол.

А.Заппаровтың айтуынша, учаскелік полиция инспекторларының материалдық-техникалық базасын жақсарту, оларды жұмыс істеу үшін көлікпен және планшетпен қамтамасыз ету жоспарланды. Ақтөбе облысында полицейлер 100 % автокөлікпен және планшетпен қамтамасыз етілген.

Жалпы ел бойынша пенициарлық мекемелерде, полицияның қызметтік үй-жайларында жаппай бейнебақылау қондырылып жатыр. А.Заппаров цифрландыруды дамыту кезінде ІІМ көрсететін мемлекеттік қызметтер цифрлық форматқа ауыстырылатыны туралы айтып берді.

Айта кетейік, сыбайлас жемқорлыққа қарсы күрес жұмысы жалғасып жатыр. Соңғы 3 жыл ішінде ІІМ-де сыбайлас жемқорлық фактісі 33 пайызға төмендеді. Өңірлерде қоғамдық қабылдау жүргізіледі. ІІМ реформасы үшін азаматтардан ұсыныс қабылдауға арналған медиапорталы іске қосылды.

Облыстық ПД бастығы Атығай Арыстанов Президенттің Жолдауы аппараттық кеңесте қаралып, барлық бағытты орындау бойынша жоспар дайындалғанын айтты.

«Ең бастысы - учаскелік полиция қызметінің жұмысын қайта құру, олардың қоғам игілігі үшін және азаматтардың қоғамдық тәртібі үшін жұмыс істеуін қамтамасыз ету», - деді А.Арыстанов.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT