+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Ақтөбе облысында 3 халықаралық өткізу бекеті ашылады - Оңдасын Оразалин

2019 жылғы 13 қараша 13:51
Бөлісіңіз:
Ақтөбе облысында 3 халықаралық өткізу бекеті ашылады - Оңдасын Оразалин

НҰР-СҰЛТАН. ҚазАқпарат - Ақтөбе облысында 3 халықаралық өткізу бекеті ашылады. Бұл туралы бүгін Орталық коммуникациялар қызметіндегі баспасөз мәслихатында Ақтөбе облысының әкімі Оңдасын Оразалин айтты, деп хабарлайды ҚазАқпарат тілшісі.

Ұқсас жаңалықтар
Ақтөбе облысының еңбек ардагерлері мен «жомарт жүректер» марапатталды Хиджап таққан 2 оқушы сабаққа келмей жүр – Ақтөбе облысының әкімі Ақтөбе облысында жат дін жетегінде жүргендердің саны қанша

«Облыстағы өзекті мәселелердің бірі - жол. Сондықтан биыл осы мәселені шешу, жергілікті жолдарды дамыту үшін бөлінетін қаражат 1,3 есе өсті. Қазіргі таңда 43,6 млрд теңге бөлінді. Бұл 500 шақырымнан астам жергілікті жолды жөндеуге мүмкіндік береді. Келесі жылы «Ақтөбе-Қандыағаш», «Ақтөбе-Орск» жолдарын жөндеу жоспарланып отыр. Оның үстіне Ақтөбе қаласының батыс айналма жолы толық аяқталады, көпір пайдалануға беріліп, сырттан келетін көліктердің қалаға кірмей сырт айналып кетуіне толық мүмкіншілік болады», - деді өңір басшысы.

Сонымен қатар облыс әкімі «Ақтөбе-Хромтау-Қарабұтақ-Ұлғайсын», «Орталық-Батыс» жолдарын салуға Үкімет қолдау білдіріп отырғанын айтты.

«Бұл - өзекті мәселелердің бірі. Себебі Ақтөбенің ерекше көліктік-логистикалық әлеуеті бар. Елбасы бастамасымен «Батыс Еуропа - Батыс Қытай» дәлізі толық іске қосылды. Оның үстіне оңтүстік көршіміздің (Өзбекстан) қарқынды дамып, осы жолдарды пайдалануының арқасында Ақтөбе облысының экономикалық әлеуеті көлік-логистика саласында ерекше өсті. Себебі Ақтөбе - Қазақстан бойынша оңтүстік жағынан да, солтүстік жағынан да шекарасы бар жалғыз облыс. Батыс Қытайдан болсын, Орталық Азиядан болсын жүк Ақтөбе облысының аумағынан өтеді. Облыс аумағы арқылы жүк тасымалының артқаны қуантады. Дегенмен, жол инфрақұрылымын дамытуға ерекше назар аударуды талап етеді. Осыған байланысты Үкімет тарапынан толық қолдау бар», - деді О.Оразалин.

Мұнан бөлек ол транзиттік әлеуетті дамыту аясында облыста үш халықаралық өткізу бекетін ашу мәселесі пысықталып жатқанын айтты.

«Ресеймен шекарада жұмыс істеп тұрған «Әйтеке би - РФ Союзные» және «Жиренқопа - Бірінші мамыр» бекеттерінің мәртебесін, Өзбекстанмен шекарадағы Бозой ауылы жағындағы бекетті халықаралық деңгейге көтеруді жоспарлап отырмыз», - деді облыс әкімі.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT