Ақтөбе облысы бойынша сыбайлас жемқорлыққа қарсы қызметке жаңа басшы келді

АҚТӨБЕ. ҚазАқпарат - Ақтөбе облысы бойынша сыбайлас жемқорлыққа қарсы қызметтің басшысы болып Нұрлан Шабдар тағайындалды, деп хабарлайды ҚазАқпарат.

10 шілде күні ҚР Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов Ақтөбе облысы бойынша сыбайлас жемқорлыққа қарсы қызметтің жеке құрамына жаңа басшыны таныстырды.

Нұрлан Аманкелдіұлы Шабдар 1974 жылғы 15 қарашада Алматы облысында дүниеге келген.

Әр жылдары құқық қорғау органдарының басшылық лауазымдарында, сондай-ақ Қазақстан Республикасы Жоғарғы соты төрағасының, Премьер-Министрінің кеңесшісі болып қызмет атқарған.