Ақтөбе облыстық денсаулық сақтау басқармасының басшысы қызметінен кетті
«Денсаулық жағдайыма байланысты жұмыстан босатылдым. Себебі соңғы кездері жүрек ауруы қатты мазалап, осындай шешімге келдім. Облысты артқа тартқым келмеді. Істің басына келген білімді де қабілетті жас жігіттерге қолдау көрсетуіңізді өтінемін. Жағдайымды сұрап қолдау білдіргендеріңізге көп рахмет», - деп жазды Самат Данияров.
Айта кетейік, Самат Данияров басқарма басшысы болып 2020 жылдың шілде айында тағайындалған болатын. Арада үй ай өткенде денсаулығы сыр беріп, қызметінен кетті.
Ол әр жылдары Қызылорда облыстық ауруханасында инспектор, Ақтөбе облыстық денсаулық сақтау бөлімінің бас маманы, басқарма басшысының орынбасары, Ақтөбе облыстық клиникалық ауруханасының бас дәрігері лауазымдарын атқарды.
2017 жылдан бастап отбасылық медицина орталығының бас дәрігері болып келді.