08:24, 24 Сәуір 2019 | GMT +6
Ақтөбе мен Теміртау қалаларында ауа сапасы нашарлайды
НҰР-СҰЛТАН. ҚазАқпарат - Сәрсенбі, 24 сәуір күні Қазақстан қалаларының басым бөлігінде жағымды метеорологиялық жағдай қалыптасады, деп хабарлайды ҚазАқпарат.
«Қазгидромет» РМК-нің мәліметіне сәйкес, тек Ақтөбе және Теміртау қалаларында ауа ластануының қолайсыз метеорологиялық жағдайлары күтіледі.
Еліміздің өзге қалаларында атмосфералық ауаның ластануы күтілмейді.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.