Ақтөбе қаласының айналасына 9 блокбекет орнатылды
2022 жылғы 9 қаңтар 06:33

Ақтөбе қаласының айналасына 9 блокбекет орнатылды

АҚТӨБЕ. ҚазАқпарат - Ақтөбе аумағында 9 блокпост орнатылды. Қалаға кіріп-шығу жолдары толық бақылауға алынды, деп хабарлайды ҚазАқпарат тілшісі.

Ақтөбе қаласына кіріп-шығу жолдарына, аудандарда барлығы 9 блокбекет қойылған. Мұнда полиция күзеті тұр. Әскери техника да жеткізілген.

«Полициямен қатар қорғаныс қызметкерлері де бар. Біз қалаға кіріп-шығатын көліктердің жүк салғышын, салонын тексеріп, жүргізушілер мен жолаушылардың жеке куәлігін қарап жатырмыз», - деді облыстық жергілікті полиция қызметі басқармасының бастығы Айдос Құлжанов.

Еске салайық, облыс аумағында 19 қаңтарға дейін төтенше жағдай режимі енгізілген. Коменданттық сағат белгіленді.


Jańalyqtar

MURAǴAT