+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Ақтөбе әуежайы авиаотын тапшылығына қатысты түсінік берді

2021 жылғы 28 қазан 14:13
Бөлісіңіз:
Ақтөбе әуежайы авиаотын тапшылығына қатысты түсінік берді

АҚТӨБЕ. ҚазАқпарат – Әлия Молдағұлова атындағы Ақтөбе халықаралық әуежайында қазір 1 100 тонна авиаотын бар. Оның 100 тоннасы әуежай әкімшілігіне тиесілі, деп хабарлайды ҚазАқпарат тілшісі.

SCAT әуекомпаниясының мәлімдемесінен соң Әлия Молдағұлова атындағы Ақтөбе халықаралық әуежайы авиаотын туралы мәлімет берді.

«Қазір қорда 1 100 тонна авиаотын бар. Оның 100 тоннасы әуежай әкімшілігіне тиесілі. Бірер күнде әуежайға тағы 180 тонна авиаотын жеткізіледі. SCAT әуекомпаниясынан өзгелері рейсті үздіксіз жүргізе алады. SCAT әуекомпаниясының мәлімдемесі рас. Олардың өздерінің авиаотыны қазан айының ортасында бітті. Бітіп қалған соң олар коммерциялық бағада сатып алуға мәжбүр. Бұл қарапайым адамдарға, қызметті пайдаланатын тұрғындардың қалтасыне салмақ түсіреді. Билет құны өсуі мүмкін. Айта кетейін, бұл компания айына шамамен 1 мың тонна отын пайдаланады», - деді Әлия Молдағұлова атындағы Ақтөбе халықаралық әуежайы басқарма төрағасының орынбасары Қаламқас Өтеғалиева.

Оның айтуынша, SCAT әуекомпаниясы қазір Ақтөбе әуежайының авиаотынын пайдаланып отыр.

Айта кетейік, SCAT әуекомпаниясы күніне екі рет Алматыға, бір рейс Ақтау, Атырау, Нұр-Сұлтан қалаларына жасайды.


Біздің каналымызға жазылыңыз:

Бөлісіңіз:

Автор:

Алтынай Сағындықова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT