Актер Санжар Мәдиді Лос-Анджелес театрларының біріне жұмысқа шақырды

АСТАНА. ҚазАқпарат - Қазақстандық киноактер Санжар Мәдиді Лос-Анджелестегі театрлардың біріне жұмысқа шақырды.

Алдымен, ағылшын тілді 5 мың актер арасындағы байқауда жеңіске жетті. Үш апталық оқыту бағдарламасы аясында ол голливуд агенттерімен танысып, американдық Sky light театрында ойнау мүмкіндігіне ие болды. Қазір Санжар жұмыс визасы үшін құжаттар жинап жатыр, деп жазды «Казахстанская правда» газеті.
Қанша тілді меңгерсең, сонша мүмкіндік ашылатынына актер сенімді. Интернетті ақтарған ол жоғарыда айтылған байқауға тап болған.
Қазақ және орыс тілдерінен бөлек Санжар ағылшын, француз және неміс тілдерін еркін меңгерген. Актер бірнеше ағылшын тілді картинаға түскен.