+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ақтаудың алғашқы «шамшырағы» қайта жанды

2021 жылғы 16 маусым 09:50
Бөлісіңіз:
Ақтаудың алғашқы «шамшырағы» қайта жанды

АҚТАУ. ҚазАқпарат - Ел Тәуелсіздігінің 30 жылдығына орай, Ақтау қаласы әкімінің тапсырмасына сәйкес және 25425 әскери бөлімшесі басшылығының қолдауымен қаладағы алғашқы «Меловой» маягінің шамы қайта жанды, деп хабарлайды ҚазАқпарат тілшісі.

Бұл маяк - әлемдегі тұрғын үйлердің үстінде орналасқан санаулы шамшырақтың бірі.

Теңіз деңгейінен 73 метр биіктікте, ал, тұрғын үйдің 11 қабатында орналасқан мұнараның жалпы биіктігі 10 метр.

1974 жылы орналасқан маяк 2011 жылы істен шығып, орнына уақытша заманауи жарық беретін құрылғы қосылған.

Бүгінде теңіздегі кемелердің жүру қауіпсіздігін қамтамасыз ететін Ақтаудың бойтұмарына айналған нысан ел азаматтарының араласуымен қайта жарқырады.

Шара әскери оркестрдің сүйемелдеуімен салтанатты түрде ашылып, Ел Тәуелсіздігінің 30 жылдығына орай 30 дана отшашу атылды.

Шамдарды «АЭЖБ» МКК мамандары іске қосып, әрі қарай үздіксіз тұрақты жанып тұруын қадағалау және төтенше жағдайдың алдын алу мақсатында 24 сағат әскери қызметкердің бақылауында болады.

Осылайша, түнде теңізшілерге 50 жылға жуық тарихы бар шамшырақ әскери теңізшілердің бақылауымен үзіліссіз бағыт көрсетпек.


Біздің каналымызға жазылыңыз:

Бөлісіңіз:

Автор:

Қаракөз Марат

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT