+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Ақтаудағы мектепте күн электр стансасы іске қосылды

2019 жылғы 7 қыркүйек 16:28
Бөлісіңіз:
Ақтаудағы мектепте күн электр стансасы іске қосылды

АҚТАУ. ҚазАқпарат - Бүгін Ақтаудағы Назарбаев Зияткерлік мектебінде «Мектептерге күн энергиясы» жобасының екінші кезеңі аясында күн станциялары іске қосылды, деп хабарлайды ҚазАқпарат тілшісі.

Ұқсас жаңалықтар
Жаңартылатын энергия: Мұнай компаниялары алғашқы жобаларын іске қосады Жаңартылатын энергия көздері жөніндегі саммитке 20 елден делегаттар қатысады

Енді оқу орнының территориясына орнатылған 320 панель тұтынылатын электр энергиясын 30%-ға дейін үнемдейді. Құрылғы сағатына 100 квт энергия өндіреді.

Күн станцияларының іске қосу құрметі «Шелл Қазақстан» компаниясының коммерциялық мәселелер жөніндегі бас менеджері Эйден Мерфи мен білім ордасындағы 12-сынып оқушысы, көптеген республикалық, халықаралық байқаулар жеңімпазы Ғаламмадин Асқарға бұйырды.



«Зияткерлік мектептерде екінші жыл жүзеге асырылатын «Мектептерге күн энергиясы» жобасы - біз үшін басымдық. Бұл - STEM-білім беруді енгізу үшін және ең бастысы, оқушыларымыздың экологиялық мәдениетін, табиғатқа жауапкершілікпен қарауды тәрбиелеу үшін табысты жоба. Бүгінде орнатылған күн жүйелері мектептердің энергия тұтынуын шамамен төрттен бір бөлікке төмендетуге мүмкіндік береді және бұл жасыл экономиканың жаһандық мәнін дәлелдейтін көрсеткіш » , - деді «Назарбаев Зияткерлік мектептері» ДББҰ басқарма төрайымы Күләш Шәмшидинова салтанатты шара барысында.



«Мектептерге күн энергиясы» - «Шелл» әлемдік мұнай-газ брендінің пилоттық жобасы. Ол 2018 жылдың 1 желтоқсанында «Назарбаев Зияткерлік мектептері» ДББҰ 10 жылдық мерейтойына арналған «Ұлы дала мұрагерлері» форумында ҚР Тұңғыш Президенті Нұрсұлтан Назарбаевқа таныстырылған болатын. Жоба Энергетика министрлігі, «Шелл» компаниясы және «Назарбаев Зияткерлік мектептері» ДББҰ бірлескен меморандумы аясында жүзеге асып отыр.

«Шелл» компаниясынан ең алғашқы күн энергиясын 2018 жылы Нұр-Сұлтан қаласындағы физика-математикалық бағыттағы Назарбаев Зияткерлік мектебі алған болатын. Мұнда 100 Квт/сағ қуаты бар фотоэлектрлі панельдері орнатылған көлік тұрағы салынды. Биылғы жылы Орал, Атырау, Алматы қалаларындағы білім ошақтарында осындай күн станциялары орнатылады.



Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT