Ақтаудағы бала өлімі: Дәрігерлер тамақ пен ыдыстан қауіпті патоген тапты

АҚТАУ. ҚазАқпарат - Кешкі астан кейін уланған отбасының пәтеріндегі азық-түліктер, соның ішінде шұжықтан ішек таяқшалары бактериясы мен басқа да инфекциялар анықталды. Бұл туралы Ақтау қоғамдық денсаулық сақтау басқармасы басшысының орынбасары Асима Тұрдиева мәлім етті, деп хабарлайды lada.kz.

Тамақтан уланып, ауруханаға жеткізілген отбасының үйінде сақталған азық-түліктер, соның ішінде шұжық бұзылып кеткен. Асима Тұрдиеваның айтуынша, олар тұтынуға жарамсыз болған.

Зертханалық зерттеуге әкетілген «Краков» шұжығынан ішек таяқшалары бактериялары мен патогендік стафилококк және энтеробактер табылды. Пісірілген макарондар да ішек таяқшалары тобындағы бактериялар бар, сондай-ақ құрғақ сүттен де ішек таяқшалары бактериялары мен  стафилококк ауреус табылды. Осының салдарынан тағамдық токсикоинфекцияға шалдықты», - деп атап өтті Асима Тұрдиева.

Ыдыстардан да бактериялар табылған.

«Ыдыс, еден, барлық ыдыс-аяқ жабдықтарынан ішек таяқшаларының бактериялары табылған. Яғни ыдыс-аяқ жуылмаған және бұл да тағамдық токсикоинфекцияның бір факторы саналады», - деп мәлімдеді дәрігер.

Басқармада атап өткендей, балалардың біріне шұғыл ем қажет.

«Одан стафилококк ауреус, стрептококк пиогенес және жалғанманас табылды. Бала ауруға шалдыққан және оған ем қажет», - деді Асима Тұрдиева.

Еске салайық, үш жасар бала шұжықтан уланып, дәрігерлер келгенге дейін үйінде қайтыс болды. Ауруға шалдыққандар ішінде төрт бала мен екі ересек адам бар.