Ақтауда жылқылар қоқыс контейнерлерінен азық іздеп жүр

АҚТАУ. ҚазАқпарат – Ақтау қаласында жылқылар қоқыс тастайтын контейнерлерден азық іздеп жүр, деп хабарлайды ҚазАқпарат Lada.kz сайтына сілтеме жасап.

Рафаэль есімді жергілікті тұрғынның айтуынша, бүгін, 22 тамыз күнгі таңнан бері ол жылқыларды 6-шы шағынауданнан көрген.

«Аш жануарлардың бұталардың жапырақтарын жеуі бір, қоқыс контейнерлерінен азық іздеу масқара ғой. Иелерінің малды өз бетімен жібергені ме?», - деді ол.

Еске сала кетсек, тамыздың басында қала тұрғындары жылқы малының қалада көптеп жүруін видеоға түсерген. Жануарлар «Ақбота» саябағында, 8-ші шағынаудандағы №14 үйдің артында және 6-шы шағынаудандағы №21 үйдің қасында өскен ағаш бұталарын жұлып жеп жүрді. Тағы бір аптадан кейін қараусыз жүрген малдың жағалау маңында жүргені байқалған.