+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Ақтауда пышақпен қаруланған қарақшылар лотерея клубына шабуыл жасады

2021 жылғы 30 шілде 17:01
Бөлісіңіз:
Ақтауда пышақпен қаруланған қарақшылар лотерея клубына шабуыл жасады

АҚТАУ. ҚазАқпарат - Ақтауда лотерея клубына қарақшылық шабуыл жасалды, деп хабарлайды ҚазАқпарат тілшісі.

Қарақшылар мекемеден бір миллионнан астам теңге алып кетті.

Оқиға 5 шағын аудандағы «Loto Club» лотерея клубында болған. Ол жерге екі ер адам кіріп келіп, қомақты қаржыны қолды қылған.

«Қаскүнемдер күзетші мен кассирші қызды пышақпен қорқытқан. Осылайша, кассадан 1 миллион 150 мың теңге ұрлап, содан кейін оқиға орнынан қашып кеткен», - деп хабарлады облыстық полиция департаментінің баспасөз қызметі.

Жедел-іздестіру шараларын жүргізу барысында полиция қызметкерлері Маңғыстау облысының екі тұрғынын анықтап, ұстады.

«Аталған дерек бойынша ҚР ҚК 192-бабының 2-бөлігі бойынша сотқа дейінгі тергеу басталды. Мамандандырылған тергеу сотының санкциясымен ұсталғандарға қатысты күзетпен ұстау түріндегі бұлтартпау шарасы таңдалды. Өзге ақпарат тергеу мүддесіне байланысты жария етілмейді»,-делінген хабарламада.




Біздің каналымызға жазылыңыз:

Бөлісіңіз:

Автор:

Қаракөз Марат

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT