Ақтауда пәтерден ер адам мен әйелдің мәйіттері табылды

АҚТАУ. ҚазАқпарат – Маңғыстау облысында көпқабаттың үйдегі пәтерлердің бірінен ер адам мен әйелдің мәйіттері табылды, деп хабарлайды ҚазАқпарат Polisia.kz сайтына сілтеме жасап.

«17 тамыз күні сағат 10:40 шамасында «102» кезекші пультіне 14 шағынаудандағы пәтерлердің бірінен ер мен әйел адамның мәйіттері табылғаны туралы шақыру түсті.

Оқиға орнына жедел-тергеу тобы, Полиция департаментінің және прокуратураның басшылығы барды. 28 жастағы күдікті «ізін суытпай» анықталып, ұсталды. Ол Ақтау қаласы Полиция басқармасына жеткізілді. Аталған дерек ҚР ҚК-нің 99-бабы 2-бөлігі бойынша тіркелді. Тергеу жүріп жатыр. Өзге ақпарат тергеу мүддесіне орай жария етілмейді», - делінген полиция мәліметінде.

Фото: polisia.kz