USD 436.29 EUR 492.83
RUB 5.92 CNY 68.48
Jańalyqtar

Ақтауда көппәтерлі тұрғын үйдің кілті табысталды

2021 жылғы 28 тамыз 16:42
Бөлісіңіз:
Ақтауда көппәтерлі тұрғын үйдің кілті табысталды

АҚТАУ. ҚазАқпарат - Ақтау қаласында ел Тәуелсіздігінің 30 жылдығы аясында және Конституция күніне орай 18 шағынауданда орналасқан 4 тұрғын үй пайдалануға берілді, деп хабарлайды ҚазАқпарат тілшісі.

Ұқсас жаңалықтар
Алматының «Зерделі» ықшамауданында 20 үйдің іргетасы нығайтылады Түркістанда 4 жанұяға баспана кілті табысталды Ақтөбеде жетім балалар мен аз қамтылған отбасылар баспаналы болды

180 пәтерден тұратын үй «Нұрлы жер» мемлекеттік бағдарламасы аясында бой көтерген. Кілт табыстау рәсіміне Ақтау қаласының әкімі Н.Қилыбай қатысып, баспаналы болған азаматтарды қоныс тоймен құттықтады.

«Қаламызда мемлекет қолдауының нәтижесінде баспаналы болып, қоныс тойын тойлайтындар саны артып келеді. Осы жазда «Аққу-3» тұрғын үй кешенінен 443 пәтер табысталып, қуаныштың куәсі болдық. Бүгін міне жалпы ауданы 10 150 шаршы метр болатын жаңа тұрғын үйді пайдалануға берудеміз. Мерекемен тұспа-тұс келген қоныс тойларыңыз құтты болсын. Шаңырақтарыңыз шаттыққа толы болып, береке-бірлігіміз арта берсін», - деді қала басшысы.

Шараға жиналғандар толық емес отбасы Медина Алагөзованың жаңа шаңырағында болып, дәм татты. Жаңа қоныстың алғашқы қонағы болған ауыл ақсақалдары бата берді. Келер жылы 19А және 18 шағынаудандардан көппәтерлі 9 тұрғын үй пайдалануға беру жоспарланып отыр. Осылайша өңірде қоныс тойын тойлаушылар саны артпақ.



Біздің каналымызға жазылыңыз:

Бөлісіңіз:

Автор:

Қаракөз Марат

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT