Ақтауда контрабандалық жолмен жеткізілген 8 622 500 қорап темекі тәркіленді
13 маусым күні шамамен сағат 11.40-та ІІД Ұйымдасқан қылмысқа қарсы күрес басқармасының қызметкерлері Ақтау қаласындағы Промзона базасындағы қойма орнының бірін жедел-іздестіру шарасы кезінде анықтаған.
Атап айтсақ, «Платинум», «Каптэйн Блэк», «Омега», «Омега блэк», «Омега Эко Ментол», «Аризона», «Омега аква блю», «Платинум премиум», «Платинум Нано», «Манчестер», «Оскар», «Мак Экстра», «Мак Блэк», «Оскар рэд», «Манчестер блю» сияқты шетелдік маркідегі темекі түрлері ешбір акцизді маркасыз және құжатсыз сақталған.
Бір қорапта 500-ден темекі бумасы болған. Жалпы, темекі бумасының жалпы саны - 8 622 500.
Аталған дерек 13.06.2018 ж. ҚР ҚК-нің 234-бабының 2-бөлігі (экономикалық контрабанда) бойынша СДТБТ-не тіркелді.
ҚР Қылмыстық іс жүргізу кодексінің 186 бабына сәйкес, қылмыстық іс Маңғыстау облысы Мемлекеттік кірістер департаментінің экономикалық тергеу қызметіне берілетін болады.