Ақтауда Каспийдің жылы жағажайына апаратын маршрут іске қосылды

None
Фото: өңірлік коммуникация орталығы
АҚТАУ. ҚазАқпарат – Жаз мезгілінде тұрғындардың теңізге баруын қамтамасыз ететін «Ақтау - Жылы жағажай» бағыты бойынша жаңа маршрут іске қосылды, деп хабарлайды ҚазАқпарат тілшісі.

Автобус 36 шағынаудан орналасқан флагштоктан бастап «Tree of life» жағажайына дейін жолаушыларды тасымалдайды.

«Тұрғындар жаз мезгілінде теңізге көп барады. Сондықтан қала сыртындағы жағажайларға дейін жүретін №6 автобусты іске қостық. Аталған маршрут күніне 3 рет жолаушыларды тасымалдайды. Тағы бір айта кететін жайт, 1 маусым – балаларды қорғау күніне орай аталған маршрут балаларға тегін қызмет көрсетеді»,- деді Ақтау қалалық жолаушылар көлігі және автомобиль жолдары бөлімінің басшысы Асхат Нұрмұхан.

Айта кетейік, №6 «Ақтау - Жылы жағажай» бағытындағы автобус күнделікті 9:00-10:20, 11:40-13:20 және 18:20-19:20 аралығында жүреді.


Соңғы жаңалықтар