Ақтауда каратэ-додан Орталық Азия чемпионаты өтіп жатыр

АҚТАУ. ҚазАқпарат - «Маңғыстау Арена» спорт кешенінде каратэ-додан VII Орталық Азия чемпионаты өтуде, деп хабарлайды ҚазАқпарат тілшісі.

Аталған чемпионатқа Қазақстан, Қырғызстан, Тәжікстан, Өзбекстан, Түрікменстан, Иран, Ауғанстан мемлекеттерінен 300-ге жуық спортшы қатысуда. Кадет, юниор және ересектер арасында өтіп жатқан байқау жеңімпаздарына кубоктар мен медалдер тапсырылады.

«Жарыс өте қызық өтуде. Барлық командалар мықты. Түрікменстаннан 18 спортшы келдік. Барлығы да сақадай сай. Жарыс басталғалы 14 медаль алып үлгердік. Әлі де күтеміз»,-дейді Түрікменстан командасының капитаны Язмедов Эсенбай.

Айта кетсек, жарыс кеше басталған еді.