Ақтауда бір жарым жасар қыз батарея жұтып қойған

АҚТАУ. ҚазАқпарат - Облыстық ауруxананың дәрігерлері 1 жарым жасар қыздың ішінен батаеряны алып шықты, деп xабарлайды ҚазАқпарат тілшісі.

Жансақтау және анестезиология бөлімінің меңгерушісі Қазбек Келемановтың айтуынша, батерея xирургиялық жолмен емес, арнайы аппаратпен алынған. Осылайша, жаңаөзендік 1 жарым жасар қыздың өмірін сақтап қалды.

Анасы қызының теледидар пультінің батареясын қалай жұтып қойғанын байқамапты. Келесі күні ғана бала құсып, мазасызданған соң емxанаға апарған. Дәрігерлер УДЗ-ге түсіріп, баланың асқазанында батарея барын айтқан. Бала бірден Жаңаөзеннен облыстық ауруxанаға жіберіледі. Қазір баланың жағдайы бірқалыпты.

Қазбек Келеманов балалардың жанына қауіпті ойыншықтар мен ұсақ заттар тастамауға кеңес береді. Ол 3 жылдан бері ота кезінде балалардың асқазанынан алған заттарды жинап жүр.