Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Ақтау саммиті: Арнайы жұмыс тобының жиыны өтті

2018 жылғы 10 тамыз 19:37 232
Бөлісіңіз:
Ақтау саммиті: Арнайы жұмыс тобының жиыны өтті

АСТАНА. ҚазАқпарат -Ақтау қаласында Каспий жағалауы мемлекеттері Сыртқы істер министрлерінің орынбасарлары деңгейінде Каспий теңізінің құқықтық мәртебесі туралы конвенцияны әзірлеу бойынша Арнайы жұмыс тобының (АЖТ) қорытынды 52-ші отырысы өтті. Бұл туралы ҚазАқпарат СІМ баспасөз қызметіне сілтеме жасап хабарлайды.

Келіссөздерге Әзербайжан Респубикасы (жетекшісі - Х.А.Халафов), Иран Ислам Республикасы (жетекшісі - Р. Назар Ахари), Қазақстан Республикасы (жетекшісі - З.A.Аманжолова), Ресей Федерациясы (жетекшісі - И.Б.Братчиков) және Түрікменстанның (жетекшісі - М.Г.Атаджанов) делегациялары қатысты.

АЖТ отырысында тараптар Бесінші Каспий саммитінің құжаттарын әзірлеу бойынша жұмыстың қорытындысын шығарды, сондай-ақ Каспий жағалауы мемлекеттерінің сыртқы істер министрлері кеңесінің күн тәртібін талқылады және келістірді.

Каспий теңізінің құқықтық мәртебесі туралы конвенцияны әзірлеу бойынша келіссөздердің аяқталуына орай, тараптар бірлескен ұзақ мерзімді жұмыс нәтижелерін зор қанағатпен атап өтті.

Делегациялар орын алған келіссөздердің нәтижелеріне оң баға беріп, қорытынды кездесуді жоғары деңгейде ұйымдастырғаны үшін Қазақстан Республикасына өз ризашылығын білдірді.

 


Ақтау саммиті: Арнайы жұмыс тобының жиыны өтті
Ақтау саммиті: Арнайы жұмыс тобының жиыны өтті

Біздің каналымызға жазылыңыз:

Басты сөздер: Ақтау саммиті, Каспий, ҚР СІМ,
Бөлісіңіз:
Загрузка...
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059
MURAǴAT